يــذكــرني للمنشد سمير البشيري

قصيدة في مدح رسول الله صلى الله عليه وسلم

القاء الشاعر خالد العتيبي

انشــــــــــــــاد المبدع سمير البشيري

رفعت سمر الجدايل وانتخت بالقذلـة الهلّـة

تبي مني عروسٍ للقصيد ازريـت لاغويهـا

ويوم اني لقيت لْها الخلوج وجيت ابا اوصله

تنحرك الكلام اللي فهقهـا دون مغليهـا

خضع لك راس مسبوق القصايد وانحنى كلّه

وانا بك شاعر الدنيا ومشغلهـا وماليهـا

يذكرني رحيلك مجلسٍ باقي علـى حلـه

مداهيل الرجال اللي تنومسنـا مواطيهـا

هنا سليت سيفٍ يوفي الثارين مـن سلّـة

هنا علقت رمحٍ يطعـن الجـوزا ويطفيهـا

هنا بينت مصحفك الكريـم ودلنـا دلّـه

معك نبدا مواعيد الكلام وننتهـي فيهـا

هنا ساقيت غصنٍ من غلا كنّا تحت ظلـه

نسولف بالغنـا يابايـع الدنيـا وشاريهـا

هنا كان الرجل جبال ما تقبل خنـا الزلّـة

عمايمها سحاب وابلـة باقـي مواضيهـا

رجالٍ لو تشوف الما غدر مـا شربتـه لله

نبت عشب الرضا ياسيدي بأول مغازيهـا

هل التوحيد وكنوز العلوم ونصـرة الملـة

هنا ماضيك ورياض الخليل اللي رعى خله

شربنا عذبها مـدري لعبنـا فـي مغانيهـا

هنا..تخنقني العبرة وانا اكتب يارسـول الله

وعلى قبرك نسيت الناس حاقدها وحانيهـا

هو قبرٍ يتيه من الفخـر بالبيـد وتجلّـه

على حسدٍ تبين مـن سمايمهـا وصاليهـا

مدامه بين فردوس الجنان وبيـن منشيهـا

وانا لامن ذكرت فراقك اللي في يدي غلّة

نسيت ان الليالي شيبتنـي مـن بلاويهـا

على بعد الزمان اللي يعقد الحبـل ويحلّـه

الى مني ذكرتك طاحت الدمعـة وراعيهـا

سلام الله ماهـز الصبـا نسرينـه وفلّـه

على الطفل اليتيم اللي عطا الدنيا معانيهـا

:::إضغط على يمين الماوس أنقر على ( حفظ بإسم):::

http://www.albashiri.net/works/audio/mp3/ydakrny.MP3

تميز وابداع
بارك الله فيك

مشكووور

جزآآك الله كل خير..