من الكويتيين الى فجر السعيد
تعبنا منك ومن مسلسلاتك التافهة اللي وصّلت للعالم عننّا صورة سيئة لي متى لي متى واحنا ساكتين عن اللي يلعب بسمعتنا وكرامتنا جدام العالم! معقولة هالسكوت معقولة نعتبرها صدفة الصدفة تصير مرة وحدة مرتين لكن السالفة طالت مع فجر السعيد وأشكالها القذرة ؟؟ صج مسلسلات تافهة وأجمعت عليها كل القنوات, وصلنا لنقطة لايمكن نرجع منها, كرهنا شي اسمه قناة كويتية بسبب هالكاتبة وأشكالها , أذكر قبل نسمع بمسلسل كويتي برمضان نسأل متى يعرض على أي قناة ألحين نسمع عن مية مسلسل ولما نشوف أول حلقة ندري ان المأساة مازالت مستمرة, ندري ان فجر السعيد عدو من أعداء ديننا وعاداتنا وتقاليدنا ؟ ليش يافجر قصدي ليش ياغروب غربت شمس فننّا الأصيل هل لأنك مو كويتية تحاولين تشوهين صورة لكويت واهلها ليش تركزين على حاويات القمامة وماتشوفين الحدائق الخضرا لأنك بكل بساطة سوداوية وقذرة وأكيد انتي عايشة قصة مسلسلاتك بالواقع احنا شنو ذنْبنا انك غير نظيفة وبيئتك ملوثة بالخمور والمغازل , ليش ماتقولين بكل بداية مسلسل ترى مو هذولي لكويتيين هذي قصة حياتي أنا فجر السعيد, الظاهر انك تحنين لماضيك اللي يشبهلك بمسلسلاتك , احنا كرهنا مسلسلات لكويت خلاص حتى لو يطلع مسلسل حلو والكاتب مثقف ومحترم راح نتذكر صورتك السودة واسمك اللي صار وصمة عار على قنوات لكويت, ببساطة تبين تعرفين ليش احنا نكرهك لأنك مو قاعدة تنقلين اللي نعيشه ما تنقلين معاناتنا وحياتنا البسيطة لأننا نشوف شعب ثاني مو شعبنا في مسلسلاتك! حسافة والله حسافة وين الرقابة وين ؟! ليش مايكون فيه رقابة على المسلسلات لكويتية اذا كان فيه اساءة للكويت وشعبها أو نقل كاذب عن عادة عندنا أو أسلوب غير موجود بديرتنا , كل هذا كوم واهانة ممثلينا وفنانينا لكبار كوم , شوفوا شنو صار بالناس اللي كنا نحترمهم تغيرت نظرتهم وحتى ملامحهم عندنا تغيّرت لاتسأل منو اهما معروفين ( سعاد عبدالله- حياة الفهد- غانم الصالح وغيرهم وايد وايد) حتى اللي مامثلوا بمسلسلاتها تأثروا بسمعتها القذرة ومثل ماقالوا الخير يخص والشر يعم وهذا اللي احنا شايفينه بهالأيام , وين مسلسلاتنا اللي قبل الغزو العراقي لديرتنا وين راحت معقولة ماتوا الناس النظيفين اللي يحبون لكويت ويعيشون حياتنا معانا بمسلسلاتهم شنو سبب تعلقنا بالمسلسلات قبل الغزو ؟ لأنها تنقل حياتنا ومعاناتنا ويومياتنا تتذكرون( خالتي قماشة- على الدنيا السلام- درب الزلق- درس خصوصي) محد يقول صدفة نجحت , مو صدفة والدليل عددهم الوايد معقولة صدفة كل هالمسلسلات طبعاً لا , في هالأيام اللي عايشينها الحين 2007 نشوف ناس صاروا يتبعون نفس طريقتنا واهما السوريين شوفوا شنو يعرضون برمضان مسلسلات تنقل عاداتهم الزينة ويتجاهلون العادات السيئة عندهم حتى يغرزون هالشي بروح أبنائهم واجيالهم وكلنا نعرف ان الأغلبية عندهم مو جذي لكن الأقلية عايشين هالحياة , حتى احنا تعلقنا بمسلسلاتهم وخصوصاً باب الحارة ليش لأنه ينقل صورة المسلم وحيائه وغيرته على شرفه , هذا اهو النجاح مو فشل فجر السعيد اللي أساءت للكويت واهلها , تنقل السيء للعالم وكأنه سائد بيننا حتى اللي مو شريف صار يشوف روحه علينا ويحس انه هو أنظف مننا , احنا مساكين والله اللي نسكت عن هالقمامة تقعد بيننا ونشجعها ,شنو مافيه كاتب غيرها والا عشان الواسطة تاخذ راحتها , واسطتها راح يدفع الثمن بيوم من الأيام , الله لايوفقك وان شاء الله مانشوفك عايشة بيننا السنة الياية والله لايسامحك على اللي سويتيه , احنا شبابنا كلهم جذي كله مغازل وشرب وزنى وبناتنا كلهم جذي عاهرات الله لايسامحك وياخذ حقنا منك جريب , اذا السفيه صار يتكلم باسمنا وينقل عننا للعالم قولوا معاي (على الدنيا السلام).
الرئيسية 
موضوع: على الدنيا السلام؟! 
14/10/2007, 12:57 pm
